XX. mendeko Euskararen Corpus estatistikoa

Testuingurua

Ba ote dakizu, maiteño,
ahapeko irrifar eztia poetari
ba ote dakizu
haizea hatsaren ama denik?
Eta hatsaren seme seme nauzula
zure birika urreztatuetan?.

Iturriek eta errekatxoek
bere ohe gainetaruntz
etengabeko etzana:
Eta itzala zutik eguerditan.

Nola haize balak
dizu aurkituko
sehaskatxo azpian
utzitako luma?
Uso luma.
Nola orraztuko?.

Zuk fereka dezazuna
nik dizut xurgatzen;
hats bihur badadi
haize naiz bilakatzen.